نظم وضبط کی پابندی کے بغیر پارٹی نہیں‌چل سکتی ' عصاء ظفر

کراچی ( پ ر ) نظم وضبط کی پابندی کے بغیر پارٹی نہیںچل سکتی 'مجھ سمیت سب کو نظم وضبط کے اند ر رہتے ہوئے اپنی ذمہ داریاں نبھانے ہوں گے 'من مانی کرنے والے دراصل پارٹی کو نقصان دینا چاہتے ہیں ۔ان خیالات کا اظہار بلوچ نیشنل موومنٹ کے قائمقام صدر عصاءظفر نے یہاں پارٹی ذمہ داراں کے ایک وفد سے گفتگو کرتے ہوئے کیا ۔انہوں نے کہاکہ شہید غلام محمد کی شہادت کے بعد پارٹی استحکام بنیادی ترجیح تھی ۔جن علاقوں میں پارٹی کے بنیادی آئینی اداروں کی تشکیل میں کامیابی حاصل ہوئی ہے وہاں پارٹی کی پیش رفت مثالی ہے ۔آئین کے مطابق پارٹی اداروں کی تشکیل اور اداروں کے اندر تقسیم کار کے ذریعے اختیارات میں تواز ن قائم کیے بغیر پارٹی کو مضبو ط بنانا ممکن نہیں۔من مانی کرنے والے مالی بے ضابطگیوں کا سبب بنتے ہیں اس لیے وہ اداروں کی تشکیل اور ان کو اختیارات کی منتقلی نہیں چاہتے اس طرح کی ذہنیت کی تبدیلی کے لیے تربیت ' اصلاح اور احتساب ضروری ہیں جو ذاتی دوستی سے بالاتر رہ کر ہی ممکن ہیں ۔پارٹی معاملات پر گہری نظر ہے کارکنان اپنی تمام تر توجہ قومی مقاصد کی تکمیل پردیں بی این ایم شہید غلام محمد کی سوچ اور فکر سے ایک انچ بھی پیچھے نہیں ہٹے گی ۔مخلص ' نظریاتی اور پارٹی نظم وضبط کے پابند جھد کار پارٹی اثاثہ ہیں وہ جن کمزوریوں کی نشاندہی کریں گے ان کو دور کرنے کی کوشش کی جائے گی ۔

دالبندین میں بچیوں کے چہرے پر تیزاب پھینکنے کا واقعہ ناقابل برداشت ہے' عصاظفر

کوئٹہ ( پ ر ) دالبندین میں بچیوں کے چہرے پر تیزاب پھینکنے کا واقعہ ناقابل برداشت ہے ' مجرمان کو بلوچ روایت کے مطابق کیفر کردار تک پہنچایا جائے 'کارکنان متاثرین کی ہر ممکن مدد کریں۔ان خیالات کا اظہار بلوچ نیشنل موومنٹ کے قائمقام صدر عصاظفر نے گزشتہ رو زدالبندین میں بچیوں کےچہرے کو تیزاب سے جھلسا نے کے واقعے کے ردعمل میں بیان دیتے ہوئے کیا ۔ دریں اثناءبلوچ نیشنل موومنٹ کے مرکزی دفتر اطلاعات سے جاری کردہ بیان میں کہا گیا ہے کہ ریاستی ایجنسیاں بلوچستان میں قومی تحریک کے بارے میں ابہام پھیلانے اور لوگوں کو اُلجھانے کے لیے مجرمانہ کارروائیوں پر اُتر آئی ہیں ۔ بلوچ سماج میں عورتوں کواحترام اور مردوں کی برابری کا مقام حاصل ہے ان کے خلافکسی بھی خودساختہ نظریے کے آڑ میں تشدد کے استعمال کی اجازت نہیں دی جائے گی ۔ مجرمان کے بارے میں سوفیصد درست معلومات حاصل ہیں کہ وہ ریاستی ایجنسیوں کی سر پرستی میں پل رہے ہیں یہ ریاست کی قائم کردہ اسی دہشت گرد تنظیم کی ایک شکل ہے جس نے خضدار میں طلباءکے ثقافتی پروگرام پر حملہ کیا تھا اب بلوچ روایات اور رسم رواج کا نام استعمال کر کے لوگوں میںدہشت پھیلا کر قومی تحریک سے متعلق غلط فہمی پھیلانا چاہتی ہے تاکہ لوگوں کو قوم دوست جماعتوں سے دور کر کے اپنے سیاسی مقاصد کے لیے مذہبی جنونی بناکر ایندھن کے طور پر استعمال کرسکیں ۔ بین الاقوامی برداری کی ذمہ داری ہے کہ وہ ریاستی ایجنسیوں کے پے رول پر کام کرنے والی دہشت گردی تنظیموں کا نوٹس لیں ۔واضح رہے کہ 14 اپریل کو دالبندین میں دو14سے 16سال کی بچیوں کے چہرے پر تیزاب پھینکا گیا ۔در جمال اور گل بانونامی دونوں بچیاں سگی بہنیں ہیں ۔اس واقعے سے قبل شہر میں ایک غیر معروفتنظیم کی طرف سے خواتین کو بازار جانے کی صورت اس طرح کے نتائج کی دھمکی دے گئی تھی ۔ مقامی افراد کے مطابق اس واقعے میں ملوث افراد پاکستان کے
خفیہ اداروں کے لیے کا م کرتے ہیں ۔

محبوب واڈیلہ اور بوھیر بنگلزئی کے پاکستانی ایجنسیوں کے ہاتھوں اغواءنما گرفتاری کے خلاف احتجاجی شیڈول

کوئٹہ ( پ ر ) محوب واڈیلہ کو پا رلیمنٹ پرست جماعتوں سے استعفیٰ دے کر بی این ایم میں شمولیت کرنے والوں کی حوصلہ شکنی کے لیے اغواءکیا گیاہے ، بوھیر بنگلزئی اور محبوب واڈیلہ کے اغواءمیں دشمن پنجابی مفادات کے تحفظ کے لیے کام کرنے والے پاکستانی ایجنسیوں کے اہلکار ملوث ہیں ۔ ان خیالات کا اظہار بلوچ نیشنل موومنٹ کے قائمقام صدر عصاظفر نے گزشتہ روزپاکستانی خفیہ اداروں کے ہاتھوں اغواءہونے والے بلوچ قوم دوست سیاسی کارکنان کے اغواءنما گرفتاریوں کے ردعمل میں کیا ۔ انہوں نے کہا کہ بلوچوں کو پاکستان کی عدلیہ ، میڈیا اور انسانی حقوق کے لیے کام کرنے والے اداروں سے خیر کی توقع نہیں ۔ پاکستان کی نام نہاد جمہوری حکومت اور بلوچستان کی کٹھ پتلی حکومت کے دعوﺅں کے باوجودایجنسیاں تسلسل کے ساتھ بلوچ نوجوانوں کو غائب کررہی ہیں ۔ ایجنسیوں کے حالیہ واردات عدلیہ اور پاکستان میں انصاف و عدل کی پجاریوں کے منہ پر زور دار طمانچہ ہیں ۔19اپریل تک بلوچستان بھر میں ان اغواءنما گرفتاریوں کے خلاف احتجاج ریکارڈ کرائے جائیں گے تمام ھنکینان اپنے اپنے علاقائی حالات کے مطابق احتجاجی شیڈول پر عمل کریں۔احتجاجی شیڈول کا مقصد دشمن سے رحم کی بھیک مانگنا نہیں اقوام عالم کے روزنامچے میں اس کے مظالم درج کروانا اور قوم میں احساس اجاگر کروانا ہے ۔بی این ایم کے ممبر محبوب واڈیلہ اور بوھیر بنگلزئی کی پاکستانی ایجنسیوں کے ہاتھوں اغواءنما گرفتاری کے خلاف بی این ایم کے جاری کردہ احتجاجی شیڈول کے مطابق 4اپریل کوقلات ' 5 تربت ، 6نوشکی ، 7اپریل کوئٹہ ،8لیاری ، 10حب ،11ملیر ،12اورماڑہ ، 13بلیدہ ، 14کراچی ھنکین بی این ایم وسطی ، 15تمپ ، 16مند ،17خاران ،18پنجگور اور 19اپریل کو گوادر میں احتجاجی مظاہرے ہوں گے ۔

پسنی میں کوسٹ گارڈ اہلکاروں کی ہلاکت کے بعد بی این ایم اور بی ایس او ( آزاد ) کے کارکنان کے گھروں پر چھاپے حالات کو کشیدگی کی طرف لے جانے کی کوشش ہے'عصاءظفر

کوئٹہ ( پ ر ) بلو چ نیشنل موومنٹ کے قائمقام صدر عصاءظفر نے اپنے بیان میں کہا ہے کہ پسنی میں کوسٹ گارڈ اہلکاروں کی ہلاکت کے بعد بی این ایم اور بی ایس او ( آزاد ) کے کارکنان کے گھروں پر چھاپے حالات کو کشیدگی کی طرف لے جانے کی کوشش ہے۔ سر کار تا ثر پیدا کرنا چاہتی ہے کہ بلوچ قوم دوست سیاسی جماعتوںکا تعلق بلوچ مسلح حر یت پسندوں سے ہے تاکہ ان کے خلاف کسی جارحانہ کارروائی یا کریک ڈاﺅن کاجواز پید اہو ۔پسنی سے گرفتار کیے جانے والے سیاسی کارکنان اور عام افراد کو پولیس حراست میں رکھنے کی بجائے کوسٹ گارڈ کے ٹارچر سیلوں میں قید رکھ کر اذیت دیا جارہاہے ۔پنجابی کوسٹ گارڈ ساحلی علاقوں میں ایک دہشت گرد فورس کے طور پر مقامی بلوچ ماہی گیروں پر حکمرانی کی خواہش مند ہے اور لوگوں پر جبر وزیادتی کرکے اپنا رعب جمانے کے بہانے تلاش کرتی رہی ہے ۔ بلوچستان کے کونے کونے میں بلوچ مسلح حریت پسندوں اور قابض فورسز کے درمیا ن جھڑپ معمول کے واقعات ہیں اس طرح کے واقعات کے بعد پاکستانی فورسز کا اشتعال میں آنا ان کے اخلاقی اور ذہنی پستی کی نشانی ہے۔ بلوچ پولیس افسران کوسٹ گارڈ کے پنجابی اہلکاروں کے جبری قانون کی اطاعت کرکے اپنے لیے سماجی مسائل پید انہ کریں بلوچ گھروں پر بلاجواز چھاپے اور چادر وچاردیواری کی پائمالی بلوچ اقدار کی خلاف ورزی ہے ۔ قوم سخت ترین حالات کے مقابلے کے لیے تیار رہے بی این ایم کے جھد کار ظلم وجبر کے آگے جھکنے والے نہیں ۔ بلوچوں کے پاس قومی جدوجہد میں رک کر دم لینے کا بھی موقع نہیں ہاتھ پر ہاتھ دھرے رہے تو مٹ جائیں گے ۔واضح رہے کہ پسنی میں گزشتہ روزجڈی کے مقام پر گھات لگائے مسلح افرادنے کوسٹ گارڈ اہلکاروں پر حملہ کر کے دوپنجابی سپاہیوں کو ہلاک کردیا ۔جس سے مشتعل ہو کر پاکستان کوسٹ گارڈ کے پنجابی اہلکاروں نے پسنی شہرکی ناکہ بندی کی اورگھر گھر تلاشی لی ۔کوسٹ گارنے ڈ پولیس کے ساتھ مل کر بی ایس او(آزاد ) کے جنرل سیکریٹری نظام بلوچ ، سعید امیر بخش ،عدنان عثمان اور بی این ایم کے سینئر ممبر بابا بوھیر کے گھر پر چھاپہ مار کے ان کے گھر سے صغیر نامی رشتے دار کو گرفتار کیا ۔ بی ایس او (آزاد ) کے زونل صدر حنیف بلوچ ، سیکریٹری جنرل وسیم ،جوائنٹ سیکریٹری یوسف کے گھروں اوردکانوں پر بھی گرفتاری کے لیے چھاپے مارے گئے ۔

باغبانہ سے نوجوانوں کی گرفتاری اور ان سے ہتھیار برا ٓمدگی کا دعویٰ جھوٹا اور فورسز کی طرف سے اپنی شر مندگی چھپانے کی ناکام کوشش ہے ‘ عصاظفر

کوئٹہ ( خضدار ) باغبانہ سے نوجوانوں کی گرفتاری اور ان سے ہتھیار برا ٓمدگی کا دعویٰ جھوٹا اور فورسز کی طرف سے اپنی شر مندگی چھپانے کی ناکام کوشش ہے ' قوم حوصلہ نہ ہارے منزل سامنے ہے آگے بڑھتے رہیں ۔ان خیالات کا اظہار بلوچ نیشنل موومنٹ کے قائمقام صدر عصاظفر نے ستائیس مارچ کو خضدار کے نواحی علاقے باغبانہ سے سکندر ، خیل الرحمن ، وسیم ، نسیم اور عطاءاللہ کی گرفتاری کے ردعمل میں کیا ۔انہوںنے کہا کہ ستائیس مارچ یوم جبری قبضہ مشرقی بلوچستان کے موقع پر کامیاب ہڑتا ل نے قابض حکمرانوں کو حواس باختہ کردیا ہے باغبانہ سے ہونے والی گرفتاریاں ہڑتال کے خلاف متوقع سر کاری ردعمل ہے ۔گرفتار ہونے والے افراد کا مسلح حریت پسندوں سے تعلق کا الزام سازش ہے فورسز اسلحہ بر آمدگی کا ڈھونگ رچا کر اپنے جارحانہ اقدام کے لیے جواز پیدا کرنا چاہتیہیں ۔ ستائیس مارچ کو بی این ایف کے فلیٹ فارم سے پر امن احتجاج کیا گیا جس میں ایف سی اہلکاروں نے مداخلت کر کے اسے تشدد کا رخ دینے کی کوشش کی ۔ ہڑتال کے دوران بلوچستان بھر سے عام لوگوں اور سیاسی کارکنوں کو بلا جواز گرفتار کیا گیا ۔باغبانہ ' کوئٹہ ' تربت اور دیگر علاقوں سے گرفتار کیے جانے والے لوگوںکو کوئٹہ منتقل کر کے اے ٹی ایم کے عقوبت خانوں میں ٹارچر کیا جارہاہے ۔انسانی حقوق کے اداروں پر لازم ہے اس کے خلاف آوازاٹھائیں ۔

عصا ظفر اور دیگر مرکزی عہدیداران نے بی این ایم ملیر ھنکین کے صدر کی کمن بھتیجی کی وفات پر ان کے اہل خانہ سے تعزیت کی

کوئٹہ ( پ ر ) بلوچ نیشنل موومنٹ کے قائمقام صدر عصا ظفر اور دیگر مرکزی عہدیداران نے بی این ایم ملیر ھنکین کے صدر کی کمن بھتیجی کی وفات پر ان کے اہل خانہ سے تعزیت کی ہے ۔

اقوام متحدہ بلوچستان کو مقبوضہ تسلیم کرئے ٔ عصا ظفر

کوئٹہ ( پ ر ) بلوچ نیشنل موومنٹ کے قائمقام صدرعصا ظفرنے مقبوضہ مشرقی بلوچستان کے یوم جبر ی قبضہ کے حوالے سے جاری کردہ بیان میں کہا ہے کہ 27مارچ 1948کو پاکستان نے مشرقی بلوچستان کی آزاد ریاست قلات پر قبضہ کر کے بلوچوں کو غلامی کاطو ق پہنایا ۔ جبری قبضہ کے خلاف اسی دن سے بلوچ جنگ کررہے ہیں ۔ قوم بی این ایف کے فلیٹ فارم پر جبری قبضہ کے خلاف احتجاج ریکارڈ کر کے دنیا پر واضح کردے کہ وہ بلوچستان پرپاکستان کے جبری قبضہ کوتسلیم نہیں کرتی ۔اقوام متحدہ کی اخلاقی ذمہ داری ہے کہ وہ بلوچستان کی تاریخ ' جغرافیہ اور موجودہ سیاسی حالات کو پیش نظر رکھتے ہوئے بلوچستان کو مقبوضہ تسلیم کرکے پاکستان پر ناجائز قبضہ ختم کر نے کے لیے دباﺅ ڈالے ۔ ماضی کے بلوچ حکمرانوں کی کمزوریوں کی وجہ سے بلوچ اپنی آزادی کھو بیٹھے بلوچوں کا حکمران طبقہ آج بھی پنجاب کی کاسہ لیسی کررہاہے جب کہ بلوچ قابض کے خلاف جنگ لڑتے ہوئے اپنی جانوں کے نذرانے پیش کررہے ہیں ۔دنیا سے اپنی مدد کی بھیک نہیں مانگتے صرف ان ممالک کو جوپاکستان کے ساتھ رشتے استوارکیے ہوئے ہیں یا د دلانا چاہتے ہیں کہ بلوچستان کی سر زمین پر پاکستان کی حیثیت ایک قبضہ گیر کی ہے اگر وہ خطے میں امن چاہتے ہیں تو انہیں بلوچ خواہش کے مطابق قومی مسئلے کے حل کے لیے اپنا کردار اداکرنا ہوگا ۔